ʻāū — Wehi ʻŌlelo (kāmua)

Ka Hulina no «ʻāū»

au

[kikino] He wā lōʻihi i loko o ka mōʻaukala.

• Laʻana palapala:
  • He mau māmakakaua lāua i loko o nā kaua o ke au kahiko. He Moʻolelo Kaʻao no Kekūhaupiʻo
  • He moʻolelo kēia no ke au kahiko o nā kūpuna. He Moʻolelo Kaʻao no Kekūhaupiʻo
  • He puaʻa hiwa kekahi mea i lohe nui ʻia i waena o ka poʻe ʻike i nā loina o ke au kahiko. He Moʻolelo Kaʻao no Kekūhaupiʻo

[kikino] Ke kō ʻana o ke kai, he kohu ala i loko o ke kai ikaika o kona kahe ʻana.

• Nā memo:
  • E nānā i nā inoa kaulana ʻo Keaumiki lāua ʻo Keaukā.
• Laʻana palapala:
  • Kā ʻia akula lāua e ke au a pae i uka. He Moʻolelo Kaʻao no Kekūhaupiʻo
  • Ua pilikia kona ʻau hou ʻana mai i uka no ka miki ikaika o ke au iā ia i kai. He Moʻolelo Kaʻao no Kekūhaupiʻo

[hehele] Ka ʻoni ʻana; ka neʻe ʻana o kekahi mea i mua. Puke Wehewehe Hou

• Laʻana palapala:
  • E au, ā e wiki mai. Hawaiian Dictionary (Pukui & Elbert)
  • Ke au nei ka manawa i mua. He Moʻolelo Kaʻao no Kekūhaupiʻo
  • Me ke au ʻana o kona mau maka ma ʻō a ma ʻaneʻi. Lehua ʻĀhihi : Makakēhau…
  • Ua hoʻi ke au o ka holomua iā Kaleipūpū mā i kēia wā. He Moʻolelo Kaʻao no Kekūhaupiʻo

ʻāū

[hoʻōho] He leo kani naʻau i hoʻōho ʻia ma muli o kekahi mau ʻano manaʻo naʻau like ʻole no kekahi hana kupanaha, huhū, hilahila, pupule a hūpō paha, a minamina paha. LLK

• Laʻana palapala:
  • ʻĀū maila ka leo o ka makuahine i ka ʻike aku i kāna keiki i ka hoʻāʻo e ʻaʻehi i ke alanui me ka makaʻala ʻole i ke kaheaholo mai o nā kaʻa. LLK
  • ʻĀū, ke holo maila ka puaʻa ʻāhiu!

Lepe Kumuhana: hoʻōho

ʻau

[kikino] Ka māhele o kekahi mea e lālau ʻia e ka lima i mea e paʻa, hāpai, a halihali ʻia ai paha ia mea. Moʻolelo Hawaiʻi o Kalapana

• Hoʻohana:
  • ʻO ke ke kaʻi.
• Laʻana palapala:
  • E pūʻōʻō ana nā ʻau kope ʻōpala o ia lehulehu haumāna e kaʻi aku ana ma ka pāka no ke kopekope i ka mauʻu ʻakahi a ʻoki ʻia.
  • Pehea i haki ai ke ʻau o kēia pūlumi?
• Pilina:
  • E nānā pū iā kūʻau.

Lepe Kumuhana: meakanu

[hehele] Ka holo ʻana ma luna o ka wai a kai paha inā ma ka waʻa a moku paha a i ʻole paha ma ke kino iho nō. Moʻolelo Hawaiʻi o Kalapana

• Laʻana palapala:
  • A na wai hoʻi e paʻi i ke poʻo o Kahanamoku ma ka heʻe nalu a me ka ʻau? ʻAʻohe mea!
  • ʻAu mai nei ka moku a hiki mai i Hawaiʻi nei.
  • Kauluwela ke kai o Kailua i nā kānaka ʻau ma ia heihei o nā haʻuki he nui. He Moʻolelo Kaʻao no Kekūhaupiʻo
  • ʻO ka ʻau wale aku nō kā ʻoukou a hiki i ka poe a hoʻi hou mai, pēlā ana e mālama ʻia ai kēia heihei.