ʻapo — Wehi ʻŌlelo (kāmua)

Ka Hulina no «ʻapo»

apo

[hamani] He hopu ʻana i kekahi mea me nā lima a puni ia mea. Puke Wehewehe Hou

• Laʻana palapala:
  • …i apo aʻe auaneʻi kāna hana i ua mea ʻulaʻula nei, hala ana kona lima. Ka Moʻolelo Hiwahiwa o Kawelo
  • Apo aʻela ʻo Kāʻala me kona mau lima palupalu ma ka ʻāʻī o kāna kāne. Lehua ʻĀhihi : Makakēhau…
  • E apo mai ʻoe iā Tūtū, e ka moʻopuna.

[kikino] He mau māhele lāʻau ʻelua e kino ai ka waha a poʻo paha o ka ʻupena a poepoe. He ʻau kuku kekahi kapa ʻana.

• Pilina:
  • Like pū me: ʻau kuku.

ʻapo

[hamani] He lālau me ka hopu ʻana i kekahi mea e lele a holo ana paha i ka lima.

• Laʻana palapala:
  • ʻApo ʻia e ia ke kinipōpō e ʻoloʻio mai ana ma ka ʻaoʻao o kona pepeiao.
• Pilina:
  • E nānā pū iā ʻāpona.

Lepe Kumuhana: haʻuki pōhili pōpeku

Laʻana Pāpaho:

[hamani] He aʻo a paʻa kekahi ʻano ʻike me ka maʻalahi. Moʻolelo Hawaiʻi o Kalapana

• Laʻana palapala:
  • He poʻe ʻapo lākou i ka hoʻokani i nā ʻano pila like ʻole.
  • Ke ʻapo maikaʻi nei ʻo ia i ka haʻawina e aʻo ʻia nei.
• Pilina:
  • E nānā pū iā ʻaʻapo.

[hamani] Ka ʻai ʻana o ka iʻa i ka maunu a lou ʻia i ka makau.