Wehi ʻŌlelo (kāmua)

No «ʻanatomia»

kaniʻāʻī

[kikino] Ka puʻu ma kahi o ka ʻāʻī o ke kanaka. Puke Wehewehe Hou

• Laʻana palapala:
  • E kau aku nō kuʻu wāwae ma luna o ko kaniʻāʻī ma mua o kou uē ʻana e kōkua. Lehua ʻĀhihi : Makakēhau…
  • I hōʻaʻano mai ʻo ia iaʻu e ʻeha au iā ia, ua hiki loa iaʻu ke wiliwili i kona kaniʻāʻī e like me ko ka moa. Ka Moʻolelo Hiwahiwa o Kawelo, ʻaoʻao 80

Lepe Kumuhana: ʻanatomia

kapuaʻi wāwae

[kikino] Ka māhele o lalo o ka wāwae. Moʻolelo Hawaiʻi o Kalapana

Lepe Kumuhana: ʻanatomia

Laʻana Pāpaho:

maiʻuʻu

[kikino] He mikiʻao; he mikiʻao o ka manu, lio, a kanaka paha. Puke Wehewehe Hou

• Laʻana palapala:
  • He mania pū e hiki ʻole ai i nā māiʻuʻu o ke kanaka ke wawaʻu aku. Lehua ʻĀhihi : Makakēhau…
  • Hihia aʻela kona mau māiʻuʻu i ke aʻa o ke koa. Lehua ʻĀhihi : Makakēhau…

Lepe Kumuhana: ʻanatomia

maha

[kikino] He māhele o ke poʻo ma waena o ka maka a me ka pepeiao. He Moʻolelo Kaʻao no Kekūhaupiʻo

• Laʻana palapala:
  • No kēia mau ʻōlelo a Kauahoa, ua ānehe akula ʻo Kawelo e lele e paʻi ma ka maha ʻākau o ke poʻo o Kauahoa, komo koke aʻela ʻo Kawelopeʻekoa ma waena o Kauahoa a me Kaweloleimakua a koʻo maila kona mau lima i ka umauma o ke kaikaina (Kawelo), a pane maila, “Alia hoʻi, e ka pōkiʻi! Ua oki!” Ka Moʻolelo Hiwahiwa o Kawelo, 102

Lepe Kumuhana: ʻanatomia

maka kakaʻa

[kikino] He ʻōnohi maka e huli ana i luna i loko o kona pona. Puke Wehewehe Hou

• Laʻana palapala:
  • He kanaka makapaʻa, ua kahuli ka ʻike, ʻuhē, ʻuhē,
    He kanaka maka kakaʻa, ua kahuli nā maka, ʻuhē, ʻuhē,
    He kanaka ʻōhule, ua kahuli ka lae, ʻuhē, ʻuhē. Moʻolelo Hawaiʻi o Kalapana, ʻaoʻao 86

Lepe Kumuhana: ʻanatomia

maka ʻālohilohi

[kikino] He maka uliuli, ʻōmaʻomaʻo, a mākuʻe ʻāhiehie e like me ko ka poʻe haole a hapa haole; ma ka laulā, he inoa i ke au ma mua no ka haole. He Moʻolelo Kaʻao no Kekūhaupiʻo

• Laʻana palapala:
  • ʻEā, ke hoʻō ʻia maila ke one ʻeleʻele i loko o kēlā mau olohao, a he aha lā kēia ʻano hana a kēia poʻe maka ʻālohilohi e hana mai nei?” He Moʻolelo Kaʻao no Kekūhaupiʻo, 20:81
  • He keiki maikaʻi hoʻi o ka helehelena, me ka ʻauwae ikaika, nā maka ʻālohilohi, a me ka lauoho lenalena nō hoʻi i kohu mauʻu maloʻo. Koʻu ʻAoʻao o ke Kuahiwi, ʻao/207

Lepe Kumuhana: ʻanatomia

mikiʻao

[kikino] He māhele paʻakikī ma ka wēlau o ka manamana lima a manamana wāwae o nā holoholona.

• Laʻana palapala:
  • He liona ʻano ʻē nō paha ia; ʻaʻale ʻo ia i hopu mai iā ʻoe ma luna o ka noho lio a nahu ka niho iā ʻoe, kīkoʻo wale nō ʻo ia i kona mikiʻao a walu ma luna o kō kua. Ka Lio a kāna keiki, 10:118
  • Lēhei hikiwawe nā koa ʻelua i loko o ke ana e hopu ai i ka luahine, akā, iā Katikatia i huli ai i hope e nānā, ulu koke kona mau niho a loloa a ʻoʻoi no hoʻi, a ulu pū aʻela kona mau mikiʻao a loloa a ʻoʻoi kekahi. Moʻolelo Polenesia, ʻaoʻao 44

Lepe Kumuhana: ʻanatomia

Laʻana Pāpaho:

pae niho

[kikino] He mau lālani niho o loko o ka waha ma ke ā luna a me ke ā lalo.

• Laʻana palapala:
  • E mōlia ke kapu o kēia mau ʻālana,
    I nā pae niho o nā hoa akua,
    O kūkulu ka pahu kapu a ka leo, He Moʻolelo Kaʻao no Kekūhaupiʻo, 31:132
  • ʻŌlelo maila ʻo ia, he hana ʻia ka “v” o ka ʻōlelo haole ma o ka hoʻopili ʻana i ka pae niho o luna me ka lehelehe o lalo, a ʻo ka “w” hoʻi, ua hana ʻia ma o ka hoʻomokio ʻana i nā lehelehe ʻelua, a ʻaʻole e hoʻopili ʻia. Kauakūkalahale, 2017-10-28

Lepe Kumuhana: ʻanatomia

pāpālina

[kikino] He māhele o ka helehelena ma waena o ka ihu a me ka pepeiao e ʻoi iki aʻe ana i waho. Puke Wehewehe Hou

Lepe Kumuhana: ʻanatomia

pōʻaeʻae

[kikino] He poho o ke kino o ke kanaka ma lalo o ka lima, ma kahi hoʻi e hui ai ka lima me ka poʻohiwi. He Moʻolelo Kaʻao no ʻAukelenuiaikū

Lepe Kumuhana: ʻanatomia

pukaihu

[kikino] He mau puka ma ka ihu e hanu ai. Moʻolelo Hawaiʻi o Kalapana

Lepe Kumuhana: ʻanatomia