Ua hoʻomaka nō kona hoʻomaʻamaʻa mau ʻana iā ia iho ma ka ʻōʻō ihe ʻana, a ʻo kāna ihe e hoʻomaʻamaʻa ai ʻo ia nō ka ihe lāʻau hau, a i hana ʻia nō hoʻi e nā kahu o kona makua kāne i mea hoʻomaʻamaʻa nāna… He Moʻolelo Kaʻao no Kekūhaupiʻo
"Ua holo ia," wahi a Kawelo i pane aku ai. "ʻO ia wili ʻia mai ka pahapaha lei o kuʻu ʻāina, ke kani nei ke one o Nohili. Hili hewa paha auaneʻi kaunoʻa, he lāʻau makua ʻole ia no kuʻu one hānau." Ka Moʻolelo Hiwahiwa o Kawelo, ʻaoʻao 141
“ʻAe, ʻo ke kaunoʻa ka lei o Lānaʻi nei a he lei ʻia e mākou ke holo pāʻū ma luna o ka lio ma nā paikau o Honolulu,” wahi a ka wahine no Palāwai, Lānaʻi.
Hihi kaunaʻoa, hihi i Mānā; aloha wale ia lāʻau kumu ʻole. ʻŌlelo Noʻeau, 986
Me he ānuenue lā ka hau o Kahaukomo, ka pipiʻo i ka ua ʻUlalena, ka nōeo ua i ka ua Kiʻowao i nā pali, ka holu piʻo i ke kāwelu o Lanihuli, ke kukū o ka lau o ka ʻāhihi o Malailua i ka welelau o ka makani o ka holo Kumu ʻUlu, Helu 16:5, ʻao.64
He ʻiliahi, he lāʻau ʻala ia, he lāʻau waiwai i kēia wā. Ka Moʻolelo Hawaiʻi, 9:7
ʻO Manuia a me Mr. Rabati, he keiki haole na Boti mā no Beritania mai, ʻo lāua hoʻi nā luna nāna e lawe ka wahie ʻala i Makao no Kina. Akā, i ka lawe ʻana o nā moku hali lāʻau ʻala i Kina, ʻaʻole i lohe ʻia ka waiwai o ka lāʻau a ke aliʻi… Ke Aupuni Moʻī, Helu 72ii:13, ʻao 36
ʻO Waialua wale nō ka moku i hana ʻole i ka pāpū, no ka hōʻole nō o ke aliʻi o ia moku, ʻo ia hoʻi ʻo Kahekilikeʻeaumoku. ʻO ka halihali lāʻau ʻala wale nō ka hana a ko Waialua. Kumu ʻUlu, Helu 39:14:1, ʻao 187
Aia kona kūʻau a pau i loko o ke one a ʻo kona lāʻō wale nō ke ʻōkū aʻe ana i ke one. Ka Lei Kahelelani, ʻaoʻao 2
ʻImi aʻela lākou no ka lāʻō e ʻōkū ana mai loko mai o ke one. He mea ʻano ʻē kēia, no ka mea, ulu ʻo ia i loko o ke one. Ka Lei Kahelelani, ʻaoʻao 2
Wahi a koʻu kupuna kāne, iā lākou nō a ʻike i ka lāʻō, hele pololei lākou i kahi o ka meakanu a hoʻomaka ihola e ʻeli i ke one me ka lima a loaʻa mai iā lākou ke kūʻau o ke kō. Ka Lei Kahelelani, ʻaoʻao 2
Ua hauʻoli loa kahi manaʻo i ka hiki ʻana mai ma ʻaneʻi; lele ihola i lalo o kahi paʻa a nakinaki ka hoki i ke kumu māmane a hoʻohikihiki ka ukana i lalo. Huakaʻi Mākaʻikaʻi a Kaupō, Maui, ʻaoʻao 57
Ma laila mākou e hele ai e holoi i ko mākou lole, a kaulaʻi nō ma luna o ka ulu kūawa pokopoko. Ma laila mākou e ʻauʻau ai. Hana mākou i mea hoʻolana me ka nānaku. He Moʻolelo no Kapaʻahu, ʻaoʻao 21
Ua peʻe ʻo Māui A Akalana i loko o nā nānaku kahi e ʻike mau ʻia ana nā lehu me ka mōkākī pū mai o nā ʻili maiʻa. Kumu Kou, ʻao.31
[kikino]He ʻano meakanu, he kalina hoʻi, e ulu ana ma luna o nā lālā make o nā kumu lāʻau, a he mea ʻai i hoʻokomo nui ʻia i loko o nā mea ʻai Pākē. He pepeiao akua ma kekahi kapa ʻana. Moʻolelo Hawaiʻi o Kalapana
Laʻana palapala:
Ua hoʻopaneʻe ʻia ke kūʻai ʻana o ka pepeiao lāʻau ma ko māua hale, no ka holo aku o kekahi o māua i Kaliponia, ʻelua malama a laila hoʻi mai, a laila kūʻai hou nō kākou i ka pepeiao lāʻau. Ka Hae Hawaii, 24 April 1861
[kikino]He mea kanu i ʻano like me ke kalo; he nui aʻe naʻe kona kino a he pili ka piko o ka lau i ka hāhā. ʻAʻole hoʻi māwae ʻo waena o ka lau e like me ko ke kalo, a he maneʻo loa kona hua a hana nui ke kuke ʻana a moʻa pono me ka maneʻo ʻole. He kanu ʻia hoʻi ma kauhale i mea pale i nā akua ʻino a mau mea o ia ʻano.