[hamani]Ka hōʻoio ma ka ʻōlelo ʻana i ka maikaʻi o kekahi mea; ka painuʻu, ke akena, ka haʻanui. Puke Wehewehe Hou
Laʻana palapala:
ʻAʻole kā hoʻi maikaʻi o ke kaena wale i kou ʻeleu me ka mākaukau.
I ka pau ʻana o kēia paha kaena a Kahakaloa, ua kēnā akula ʻo ia iā Kaʻehuikeawakea me ka ʻōlelo ʻana aku iā ia penei… Ka Moʻolelo Hiwahiwa o Kawelo, ʻaoʻao 334
[hamani]He nānā pono i kekahi mea me ka hōʻole hoʻokano ʻana aku a laila ke koho ʻana i kekahi mea ʻokoʻa aku; he piʻikoi.
Laʻana palapala:
I kēia manawa, e hoʻomākaukau ʻoe iā ʻoe iho no ka ʻai ʻana i ka maka hema o ko hoa hakakā o ka moana kai ākea, a e ʻai me ka manaʻo kamalole ʻole, a e lilo hoʻi ia i mea holo pono loa no kou ʻailolo i kēia lā. He Moʻolelo Kaʻao no Kekūhaupiʻo, 7:26
[hehele]He paʻa pono ʻole o kekahi mea e like me ka manaʻo, ka pilina kanaka, ka moʻolelo o kekahi mea; he kānalua.
Laʻana palapala:
He ʻoiaʻiʻo ke komo aku nei ka ʻāina i loko o nā Kālai Aupuni kāpekepeke a kapakahi ʻana, a ʻo nā hoʻoponopono Aupuni ʻana, ke ʻike ʻia aku nei ke kūʻē nui ʻia mai nei e kēlā a me kēia o nā kānaka ponoī o ka ʻāina. Ka Buke Moʻolelo o Hon. Robert William Wilikoki, 1:9
Inā pēlā ke ʻano lolelua a kāpekepeke hoʻi o ʻAmelika, pehea lā kākou e hilinaʻi ai i kāna mau kānāwai ʻē aʻe? Kauakūkalahale, -2018-11-24
Kāpekepeke hoʻi ʻo Kauikeaouli ma waena o ka noho aliʻi hoʻokahi a me ka ʻae ʻana i nā koi a nā aliʻi oʻo. ʻO Kamehameha Nui, ʻao.28
Hoʻopae ʻia mai hoʻi ua iʻa lā ma uka o ke one e ka nalu. He ʻoni kaʻanini a kūlepelepe ma laila, a ʻoia nō ʻoe he hulahula ka hana. Ka ʻAilana o nā Naiʻa Polū, 12:92-93
Mai ka lani nō a ka honua, lele akula ʻo Kawelo mai ka waʻa aku a ma luna o ke one. Pohā ana kahi ʻuʻina ikaika a ʻike ʻia ua kanaka ikaika nei o Waiʻanae, e kaʻanini ana kona kino i ke one a e kākā ana nā wāwae. Kauakūkalahale, 2007-07-22
[hehele]He ʻōlelo kahamaha ʻana; he ʻōlelo ʻana ma waena o ka ʻōlelo ʻana a haʻi.
Laʻana palapala:
Ua ʻike ʻo ia i ka mea nui o ka hoʻokipa ʻana i nā malihini, ʻaʻole e hōʻole i ka ʻai a me ka hiamoe ma ka hale. Pono nā keiki e hoʻolohe me ke kīkahō ʻole. No Mary Kawena Pukui, ʻao.11
ʻŌlelo kīkoi aʻela hoʻi kekahi poʻe aliʻi, ʻʻHe kupanaha nō ua Boti hume naʻau o Kamehameha, ʻo ia ihola kā hoʻi ke aliʻi nāna e hoʻomoe nā moʻopuna a Kamehameha.” Ke Aupuni Moʻī, Helu 76:6, ʻao.47
[hamani]He hoʻopuka ʻana i nā ʻōlelo hana ʻino a pupuka; he pākīkē.
Laʻana palapala:
Makaʻu a ʻano ukiuki ʻo Kekai iā Kupuna Kiaʻi, ua ʻuʻumi naʻe ʻo ia i kona mau manaʻo kīkoʻolā i ke kupuna a ui haʻahaʻa akula ʻo ia penei: "Aloha hou kāua e Kupuna Kiaʻi…" Ke Ana Kamahaʻo o Alāla, ʻaoʻao 16
[hehele]He hele wale ʻana i ka holoholo me ke kumu ʻole.
Laʻana palapala:
Ua kali ke kahuna ma kahi hoʻokahi āna i noho ai. Ua nui loa ka wela o ka lā, no laila, ʻaʻole kūpono ke kiʻihele wale ʻana i ʻō i ʻaneʻi. Ka ʻŌhelo Mua, ʻao.12
He ʻekolu Mākaʻi kū huina, a he ʻekolu Mākaʻi kau kaʻa Paikikala, a ua maʻalahi nō hoʻi kēia noi ʻana o ka Mākaʻinui, ʻoiai, eia nā ʻaihue ke hele lālama mai nei i kekahi mau kauhale o Hilo nei.
Lālama aʻela nā alelo manamana o ke ahi i nā paukū wahie e hōʻenaʻena ana hoʻi i nā pōhaku a ʻula. Lehua ʻĀhihi : Makakēhau…
[kikino]He lunaʻikehala; he au noʻonoʻo hoʻi e hoʻomaopopo ai i ka pono me ka pono ʻole paha o kekahi hana. Ke Kaʻao o Lāʻieikawai
Laʻana palapala:
I ia manawa, ua hoʻopūʻiwa koke ʻia ko Kahalaomāpuana lunamanaʻo no ka ʻike ʻana aku iā Lāʻieikawai e kau mai ana i luna o ka ʻēheu o nā manu e like me kona ʻano mau. Ke Kaʻao o Lāʻieikawai, 11:59
ʻO nā mea a pau i kūʻai ʻia ma kahi kūʻai, e ʻai ia mea, me ka ninaninau ʻole aku, no ka lunamanaʻo. Korineto I [1 Corinthians], 10:25
A i kona kamaʻilio ʻana pēlā, pūʻili aʻela ia i kona mau lima, a hoʻopiʻi aʻela i ka lani, me he mea lā e noi aku ana i ko ka lani ahonui no kona ʻuhane, ma mua o ka wā e māuna aku ai ʻo ia i kona kino no ka make mau loa. He Moʻolelo no ʻIvanahō, ʻaoʻao 250
He ʻole loa naʻe ka noho iho penei a make iho i ka pōloli, no laila, e māuna ana nō kēia kino i mua o kēlā mau ʻelemākule poʻohina… Moʻolelo Hawaiʻi o Pakaʻa a me Ku-a-Pakaʻa, ʻaoʻao 24
E ʻaʻa ana nō anei ʻoe e ʻailolo ʻoe i ka iʻa maka weli o ka moana, a e ʻailolo hou i ka maka ʻā o ka manō niuhi? He Moʻolelo Kaʻao no Kekūhaupiʻo, 3:10
Eia mai kekahi mau pilikia i helu papa ʻia, ʻo ka hoʻoweliweli hoʻopahū i ke kikowaena hoʻokipa malihini, ka hoʻoweliweli hōʻeha limahana kūkulu ʻohe nānā kanakolu mika, ka maka weli a me ka ʻaʻā maka i nā limahana o ke kikowaena hoʻokipa malihini, ka ʻuā ʻana i loko o ka hale hōʻikeʻike, ka hoʻonāukiuki i nā malihini a me nā limahana, ka luku wale ʻana i nā lumi hoʻopau pilikia, ka ʻaihue ma ka hale kūʻai o laila, a pēlā aku. Kauakūkalahale, 2015-07-11
He naunau ka Pālona me nā niho kuʻi, a me kona ʻano hae nō hoʻi aʻu i ʻike ʻole ai ma mua. He maka weli ke ʻano, me ka pelu aʻe hoʻi o ka lehelehe no ka hōʻike mai i ka niho keʻokeʻo ʻoʻoi, a me he kanaka huhū lā hoʻi ka pupuku aʻe o ka lae. Koʻu ʻAoʻao o ke Kuahiwi, ʻaoʻao 128-29
Hōkai nō hoʻi ua hūpō puni wale i ka mali leo a ka wahine uʻi lā, he hoʻomoe ʻia i ka pili pō-haku me he moʻo lā… Ka Moʻolelo o Hiʻiakaikapoliopele, ʻaoʻao 112
Ua puni au i ka mali leo; inā paha i ʻike mua ʻia kēia pilikia, na wai hoʻi au e hāʻawi aku i koʻu mākaukau, ke ʻike mua au he pono ʻole kāna hana?" Ke Kumu Aupuni, 30 - 8.17, ʻaoʻao 149