Wehi ʻŌlelo (kāmua)

No «ʻikeoma»

iwi paoa

[ʻikeoma] He laki pōmaikaʻi.

• Laʻana palapala:
  • He keu nō ʻo Hāwila ʻo ka iwi paoa nui wale i nei mea he aikāne.
  • Pane maila nā kaikuahine, “ʻAʻoe nele kou mau kaikoʻeke. He mau kaikoʻeke iwi paoa, a ʻo lāua nō hoʻi nā ʻoi ma ʻaneʻi.” Mākālei Kona

helu

[ʻikeoma] He ʻikeoma no ka hōʻike ʻana i kekahi mau mea liʻiliʻi i koe.

• Laʻana palapala:
  • ...he mau lā helu wale nō koe, hiki mai ka lā koho pāloka. Ka Nupepa Kuokoa, 27 Ianuali 1872
  • He mau iʻa helu, ʻo ia hoʻi na ka lawaiʻa nō a me nā kāohi, a ʻo ka hāpai waʻa, ʻaʻohe āna iʻa. Huaʻōlelo Makalei

paʻakai o ka maka

[ʻikeoma] He ʻōlelo no ka piapia o ka maka. Moʻolelo Hawaiʻi o Kalapana

• Laʻana palapala:
  • ʻAʻohe ʻai, ʻaʻohe iʻa. ʻOhi aʻe i ka "paʻakai o nā maka," loaʻa kahi kōʻalaʻala a hoʻopāpā mai. Moʻolelo Hawaiʻi o Kalapana, ʻaoʻao 54

Lepe Kumuhana: kino kanaka

ʻemo ʻole

[ʻikeoma] He ʻikeoma no ka ʻeleu mikimiki o ke kō ʻana o kekahi hana.

• Laʻana palapala:
  • ʻAʻole ʻemo, ua moʻa ka imu āna a ua huʻe ʻia ka puaʻa.
  • A he ʻemo ʻole wale nō, ua ʻaneʻane akula mākou e launa i Lānaʻi. Ka Puke Moʻolelo o Hon. Iosepa K. Nāwahī
  • ʻEmo ʻole, noho ana ua mau kaikamāhine lā. Lehua ʻĀhihi : Makakēhau…
• Pilina:
  • Huaʻōlelo pili: ʻemo.