[hehele]He hele mālie ʻana ma ke ʻano malū ma ka hoʻokokoke ʻana aku i kekahi mea me ke kani ʻole a i kekahi manawa me ka peʻe pū ʻana. Puke Wehewehe Hou
Laʻana palapala:
Pae akula lākou i ke one, ānehe maila nā pūkaua me nā koa e kaua me ka nīnau mai, “He mau waʻa aha kēia?” Ka Hoku o ka Pakipika, 10 ʻOkakopa 1861
Ānehe aʻela ka pōpoki e poʻi i ka manu; ʻike ʻē ʻia maila, a lele aʻela kēlā i luna me ka ʻūpaʻipaʻi ikaika ʻana o nā ʻēheu.
A mai kahi mai o ka nāhelehele e peʻe ana nā wāhine, lohe ʻia maila nā leo hialaʻai o lākou i ke ehehene ʻana aʻe. Ka ʻAilana o nā Naiʻa Polū, mokuna 4, ʻaoʻao 22-23
emi hope
[hehele]He kuemi ʻana i hope; he pēki ʻana i hope.
Hoʻohana:
Kepela ʻokoʻa: emihope.
Laʻana palapala:
A pau ko Waka manawa ma kahi o Lāʻieikawai, hoʻi maila ʻo ia, akā, ʻike aʻela kēia ma loko o ka wai i kēia mea e noho ana ma luna iho, emi hope hou akula ʻo Waka, no ka mea, ua manaʻo ʻo ia ʻo Kahauokapaka kēia mea ma kaʻe o ka luawai. Ke Kaʻao o Lāʻieikawai, 1:6
Ua emi hope ka ʻīlio i ko Kawaha hākilo ʻana aku i ko ia ala mau maka.
[hehele]He hoʻopuka uluwale ʻana o ka ʻohana a hoa paha i ke kāhea kūmākena i ka mea make.
Laʻana palapala:
A liʻuliʻu kā Kahapula kū ʻana ma ia wahi, hoʻokokoke maila ʻo ia i ka puka o ka hale o ke aliʻi, me ka uē helu pū ʻana i ka inoa o ke keiki, nā lā o ko lāua hui mua ʻana me Ola ma ke ʻano kāne a wahine, a ʻoiai ʻo Kahapula e uē helu aku, hiolo wale maila nō nā waimaka o ke kahuna, a pēlā nō hoʻi me ko ke aliʻi i ke aloha i ka wahine. Ka Leo o ka Lahui, 24 Malaki 1891
E kuʻu kaikuaʻana ē,
Kuʻu kaikuaʻana o ka pali hiʻi,
Pali kuʻi o Kaliuwaʻa,
Pali hānai, pali haele a māua,
E hāʻawe ai ke kua i ka huli,
E uē kāua ē, aloha. He Moʻolelo no Kamapuaʻa, ʻaoʻao 79
A i kānaka e hauwawā ana i waena o lākou iho, aia hoʻi, ua hoʻopūʻiwa loa ʻia lākou i ka puka ʻana mai o kēia mea ʻano ʻē mai loko mai o ua manō nei. He Moʻolelo Kaʻao no Punia, mokuna VII
He ua i kekahi manawa, ʻaʻole o kana mai; hālana ka ʻāina i ka wai, piha aʻela nā kaha wai liʻiliʻi a hū ma waho, a kahe aku i ʻō i ʻaneʻi. ʻAʻohe wahi pono e hele ai ke hele wāwae. Ka Nonanona, 9 Ianuali 1844
[hehele]He kani nui haʻahaʻa ke lohe aku, e like paha me ke kuʻi ʻana o ka hekili, a i ʻole ke kani ʻulupā ʻana o ka nalu e poʻi pahū ʻino ana ma ke kumu o ka pali. Puke Wehewehe Hou
Laʻana palapala:
ʻAnapu maila kekahi lapa uila nui a halulu koke ana ka lani.
Aia ma ʻō ma ʻaneʻi o ka puʻu, ua lohe ʻia ke kani o ka pūhā ʻana o nā mea a pau me he mea lā e paʻa ana ko lākou hanu a hoʻomaka hou ka hanu ʻana, a laila, he hamumumu leo nō i ka walawalaʻau. Lehua ʻĀhihi : Makakēhau…, ʻaoʻao 94