ō — Wehi ʻŌlelo (kāmua)

Ka Hulina no «ō»

ō

[hamani] He pane ʻana o ke kanaka ke kāhea ʻia ʻo ia, ʻo ka maʻamau ma ka hoʻōho ʻana aku iā eō.

• Laʻana palapala:
  • Hea aku mākou, ō mai ʻoe. Ka Puke Moʻolelo o Hon. Iosepa K. Nāwahī
  • Mai poina ʻoukou i ke ō i ko ʻoukou mau inoa ke kāhea au i ka papa inoa.
  • ʻŌlelo maila ʻo Hiʻiaka iā Wahineʻōmaʻo, “ʻAuhea ʻoe, e aikāne?” Ō akula nō hoʻi ʻo Wahineʻōmaʻo me ka ʻōlelo ʻana aku, “Eia nō au. I ke aha lā?” Ka Moʻolelo o Hiʻiakaikapoliopele, ʻao 126

[ʻaʻano] He mau ʻana o kekahi mea no ka wā lōʻihi.

• Laʻana palapala:
  • A ʻo kēia ka mea i loaʻa ai kēia ana wai ʻo Mākālei e ō nei a hiki i kēia lā, a ua kapa ʻia hoʻi ka inoa o kēia ana ma ka inoa o ke keiki, ka mea nona kēia moʻolelo. Huaʻōlelo Makalei
  • Ke ō nei nō ka ʻōlelo Hawaiʻi iā kākou.
  • Nā keiki i loko o kēlā inoa e ō nei. Ka Puke Moʻolelo o Hon. Iosepa K. Nāwahī
  • ʻO koʻu makemake nui, ʻo ia ke ō ʻana mai o kēia aheahe makani ʻoluʻolu i hiki ai i ka waʻa kaulua o kākou ke holo i kēia mau lā e hiki koke mai ana.