kaunaʻoa — Wehi ʻŌlelo (kāmua)

Ka Hulina no «kaunaʻoa»

kaunaʻoa

[kikino] Ka lāʻau hihi (Cuscuta sandwichiana 🌐)o luna o nā mea kanu o kahakai e laʻa ka ʻilima me ka pōhuehue a pēlā nō kekahi ʻano aku o uka aku ma luna o nā kumu ʻōhiʻa a pēlā aku. Moʻolelo Hawaiʻi o Kalapana

• Hoʻohana:
  • Kepela ʻokoʻa: kaunoʻa (Lānaʻi/Niʻihau).
• Laʻana palapala:
  • "Ua holo ia," wahi a Kawelo i pane aku ai. "ʻO ia wili ʻia mai ka pahapaha lei o kuʻu ʻāina, ke kani nei ke one o Nohili. Hili hewa paha auaneʻi kaunoʻa, he lāʻau makua ʻole ia no kuʻu one hānau." Ka Moʻolelo Hiwahiwa o Kawelo, ʻaoʻao 141
  • “ʻAe, ʻo ke kaunoʻa ka lei o Lānaʻi nei a he lei ʻia e mākou ke holo pāʻū ma luna o ka lio ma nā paikau o Honolulu,” wahi a ka wahine no Palāwai, Lānaʻi.
  • Hihi kaunaʻoa, hihi i Mānā; aloha wale ia lāʻau kumu ʻole. ʻŌlelo Noʻeau, 986
  • Ua ʻeu wale i ke oho o ke kupukupu,
    I nā hoa liko, pua kaunaʻoa i ka lā,
    I kā ia lōiele ʻia e ka makani. Ka Puke Moʻolelo o Hon. Iosepa K. Nāwahī, ʻaoʻao 289

Lepe Kumuhana: meakanu

Laʻana Pāpaho: