Māmaka Kaiao Puke ʻŌlelokahi Wehewehe Wikiwiki headword definition edit books comment comments external report search trash menu download upload thumbs-up thumbs-down plus minus cross check shield history feather changes tag
Wehi ʻŌlelo (kāmua)He wehi kāhiko ka ʻōlelo

Wehi ʻŌlelo (kāmua)

← Hoʻi mai i ka home

No «mele/oli-KS»

hāpai
[hamani] He hoʻopuka leo ʻana i ke mele.
  • Laʻana palapala:
    • Pau nei mau ʻōlelo a Hiʻiaka, ʻo kona hāpai aʻela nō ia i kēia kau… Ka Na'i Aupuni, 19 Pepeluali 1906

Lepe Kumuhana: mele/oli-KS

haʻanoʻu
[kikino] He leo oli hoʻokālele i ka woela ʻōlelo mele.

Lepe Kumuhana: mele/oli-KS

Laʻana Pāpaho:
He haʻanoʻu.
He haʻanoʻu.
[hamani] He hoʻokālele ʻana o ka leo oli i ka woela ʻōlelo mele.

Lepe Kumuhana: mele/oli-KS

Laʻana Pāpaho:
He haʻanoʻu.
He haʻanoʻu.
haʻi
[kikino] He leo oli e “haki” i loko o ka lālani mele ma ka piʻi ʻana aʻe i ka leo kiʻekiʻe a hoʻi koke iho i ka leo maʻamau; he leo oli e “haki” i ka woela hope o ka lālani mele ma ka piʻi ʻana i ka leo kiʻekiʻe. ʻO haʻihaʻi kekahi ʻōlelo i pili i ia ʻano hīmeni leo kiʻekiʻe ʻana.

    Lepe Kumuhana: mele/oli-KS

    Laʻana Pāpaho:
    He haʻi ma loko o ka lālani mele.
    He haʻi ma ka pau ʻana o ka lālani mele.
    He haʻi ma ka pau ʻana o ka lālani mele.
    [hamani] He “haki” ʻana o ka leo oli i loko o ka lālani mele ma ka piʻi ʻana aʻe i ka leo kiʻekiʻe a hoʻi koke iho i ka leo maʻamau; he “haki” ʻana o ka leo oli i ka woela hope o ka lālani mele ma ka piʻi ʻana i ka leo kiʻekiʻe. ʻO haʻihaʻi kekahi ʻōlelo i pili i ia ʻano hīmeni leo kiʻekiʻe ʻana.

      Lepe Kumuhana: mele/oli-KS

      Laʻana Pāpaho:
      He haʻi ma loko o ka lālani mele.
      He haʻi ma ka pau ʻana o ka lālani mele.
      He haʻi ma ka pau ʻana o ka lālani mele.
      haʻi kupuna
      [kikino] He mele hōʻike i nā inoa kūpuna.
      • Laʻana palapala:
        • Ke kū nei ke oli a me ka hea inoa ʻana i nā mele haʻi kupuna aliʻi o ke kamāliʻi wahine. Ka Na'i Aupuni, 9 Mei 1907

      Lepe Kumuhana: mele/oli-KS

      [hamani] He hoʻopuka leo ʻana i ke mele hōʻike i nā inoa kūpuna.

        Lepe Kumuhana: mele/oli-KS

        hea
        [hamani] He hoʻopuka leo ʻana i ke mele.

          Lepe Kumuhana: mele/oli-KS

          helu
          [kikino] He mele hōʻike i nā inoa kūpuna.

            Lepe Kumuhana: mele/oli-KS

            heʻu ikaika
            [kikino] He leo oli i ʻano like ke kani ʻōkalakala me ke pani puka nui o ke kūkaehao, ke pani a wehe ʻia. Lohe pinepine ʻia ma nā mele maʻi a hoʻoipopipo.

            Lepe Kumuhana: mele/oli-KS

            Laʻana Pāpaho:
            He heʻu ikaika.
            [hehele] He hoʻopuka ʻana i ka leo oli i ʻano like ke kani ʻōkalakala me ke pani puka nui o ke kūkaehao, ke pani a wehe ʻia. Lohe pinepine ʻia ma nā mele maʻi a hoʻoipopipo.

            Lepe Kumuhana: mele/oli-KS

            Laʻana Pāpaho:
            He heʻu ikaika.
            heʻu nahenahe
            [kikino] He leo oli palupalu i ʻano like ke kani me ke pani puka kūkaehao, ke pani a wehe mālie ʻia. Lohe pinepine ʻia ma ka pau ʻana o ka ʻiʻi.

            Lepe Kumuhana: mele/oli-KS

            Laʻana Pāpaho:
            He heʻu nahenahe ma ka pau ʻana o ka ʻiʻi.
            [hehele] He hoʻopuka ʻana i ka leo oli palupalu i ʻano like ke kani me ke pani puka kūkaehao, ke pani a wehe mālie ʻia. Lohe pinepine ʻia ma ka pau ʻana o ka ʻiʻi.

            Lepe Kumuhana: mele/oli-KS

            Laʻana Pāpaho:
            He heʻu nahenahe ma ka pau ʻana o ka ʻiʻi.
            hoʻāeae
            [kikino] He mele pilihua a luʻuluʻu no ka haʻo i ka pilina aloha a ka ipo, hoaaloha, a ʻohana paha i haʻalele i ka haku mele.
            • Laʻana palapala:
              • He kaualakō ma ka hapa hope o nā laina o nā mele hoʻāeae, a he neʻe mālie ko nā mele oli. Ka Hoku o Hawaii, 29 Mei 1924

            Lepe Kumuhana: mele/oli-KS

            Laʻana Pāpaho:
            He mele hoʻāeae ʻo “Kuʻu Aloha lā” (oli ʻia e Pālea Kuluwaimaka).
            He mele hoʻāeae ʻo “Kuʻu Aloha ē” (oli ʻia e Keliʻi Ruth).
            [hamani] He oli ʻana i nā lālani mele pākahi a pau o ke mele i kapa pū ʻia he hoʻāeae ma ka hoʻokomo ʻana i ka ʻiʻi ikaika ma ka huaʻōlelo hope.

              Lepe Kumuhana: mele/oli-KS

              Laʻana Pāpaho:
              He mele hoʻāeae ʻo “Kuʻu Aloha lā” (oli ʻia e Pālea Kuluwaimaka).
              He mele hoʻāeae ʻo “Kuʻu Aloha ē” (oli ʻia e Keliʻi Ruth).
              hoʻāla kuahu
              [kikino] He mele noi i ke akua (ʻoi loa ʻo Laka ke akua nui o ka hula) e noho i ke kuahu, ke paʻa i ke kūkulu ʻia.

                Lepe Kumuhana: mele/oli-KS

                [hamani] He oli ʻana i ke mele noi i ke akua (ʻoi loa ʻo Laka ke akua nui o ka hula) e noho i ke kuahu, ke paʻa i ke kūkulu ʻia.

                  Lepe Kumuhana: mele/oli-KS

                  hoʻi
                  [kikino] He mele e haʻalele ai ka poʻe ʻōlapa i ke kahua hula.
                  • Pilina:
                    • Huaʻōlelo pili: kaʻi.

                  Lepe Kumuhana: mele/oli-KS

                  [hehele] He haʻalele ʻana o ka poʻe ʻōlapa i ke kahua hula.
                  • Pilina:
                    • Huaʻōlelo pili: kaʻi.

                  Lepe Kumuhana: mele/oli-KS

                  hoʻouēuē
                  [kikino] He ʻano oli ʻana e komo ai ka uē i ke mele kanikau a uē helu paha.

                    Lepe Kumuhana: mele/oli-KS

                    Laʻana Pāpaho:
                    He mele hoʻouēuē ʻo “Uē, Uē, ua Make Kuʻu Aliʻi” (oli ʻia e Kalena Silva).

                    Nā Mea ʻĒ Aʻe