[kikino]He mau woela manaʻo ʻole ma ke oli ʻana e komo ma kahi e hiki ke wānana ʻia ke komo ʻana, aia i ka woela a koneka paha ma mua a ma hope o ia ʻano woela. ʻO woela manaʻo ʻole kekahi ʻōlelo ʻana.
[kikino]1. He leo oli ma ka pau ʻana o ke mele a ʻoki mele paha—ma “ē”—kahi e komo ai nā ʻano leo oli like ʻole e laʻa me ke kuolo, ka nonolo, ka haʻi, ke aeae, a me ka heʻu nahenahe. 2. He leo haʻalulu maʻamau o ke oli ʻana.
[hehele]1. He hoʻopuka ʻana i ka leo oli ma ka pau ʻana o ke mele a ʻoki mele paha—ma “ē”—kahi e komo ai nā ʻano leo oli like ʻole e laʻa me ke kuolo, ka nonolo, ka haʻi, ke aeae, a me ka heʻu nahenahe. 2. He hoʻopuka ʻana i ka leo haʻalulu maʻamau o ke oli ʻana.
[kikino]ʻEhā ʻano leo oli e komo ai ka pana o ke kuapokuapo ʻana i ka haʻalulu me ka pālahalaha (haʻalulu ʻole) he mau manawa ma hoʻokahi huaʻōlelo. Aia kekahi ʻano ʻiʻi hoʻānuʻunuʻu ma ka lālani mua o ke mele. Aia nā mea ʻekolu koe ma ka huaʻōlelo hope o ka lālani mele kahi e haʻi ai, e aeae ai, a i ʻole e hoʻōki wale ʻia ai ka leo ma ka pau ʻana.
He ʻiʻi hoʻānuʻunuʻu me ka haʻi i luna ma ka pau ʻana.
He ʻiʻi hoʻānuʻunuʻu me ke aeae i lalo ma ka pau ʻana.
He ʻiʻi hoʻānuʻunuʻu i hoʻōki wale ʻia ma ka pau ʻana.
[hehele]He pana ʻana o ka leo oli i ke kuapokuapo ʻana i ka haʻalulu me ka pālahalaha (haʻalulu ʻole) he mau manawa ma hoʻokahi huaʻōlelo. Aia kekahi ʻano ʻiʻi hoʻānuʻunuʻu ma ka lālani mua o ke mele. Aia nā mea ʻekolu koe ma ka huaʻōlelo hope o ka lālani mele kahi e haʻi ai, e aeae ai, a i ʻole e hoʻōki wale ʻia ai ka leo ma ka pau ʻana.
He ʻiʻi hoʻānuʻunuʻu me ka haʻi i luna ma ka pau ʻana.
He ʻiʻi hoʻānuʻunuʻu me ke aeae i lalo ma ka pau ʻana.
He ʻiʻi hoʻānuʻunuʻu i hoʻōki wale ʻia ma ka pau ʻana.
ʻoki
[kikino]He māhele ʻōlelo o ke mele i haku ʻia ma ke ʻano kahiko, ma mua o ka hiki ʻana mai o ka hoʻomana Kalikiano, me ke kālele ma luna o kekahi manaʻo nui e kaupalena ʻole ʻia ka nui o kona mau lālani.