[kikino]He lole o ka wā kahiko ma Hawaiʻi nei i hana ʻia ma ke kuku nui ʻia ʻana o kekahi ʻāpana ʻili o kekahi mau ʻano kumu lāʻau a pālaha a palupalu. Puke Wehewehe Hou
Ua hoʻomākaukau koke ihola ʻo Kamehameha i kekahi mau pōhaku ʻelua, ʻo ia hoʻi he pōhaku keʻokeʻo, a he pōhaku ʻeleʻele hoʻi, a wahī aʻela i loko o ke kapa paʻūpaʻū, a hoʻouna akula i kēlā wahī pōhaku i mua o ke Aliʻi ʻAi Kalana Keawemauhili. He Moʻolelo Kaʻao no Kekūhaupiʻo, 52:228
Wahī aʻela ka wahine me Makakēhau i ke kapa paʻūpaʻū a paʻa ke kino wailua o Puʻupehe. Lehua ʻĀhihi : Makakēhau…
Ua hana mua wau i ka māhele o lalo o ka pāʻū me ka hoʻokuʻi aku i kekahi wēlau me kekahi wēlau, a pau ke anapuni o ia kāʻei i nā ʻili ʻekolu. Ka ʻAilana o nā Naiʻa Polū, 21:161
[hamani]He wehe ʻana i ka ʻili o ka holoholona ma hope o ka pepehi ʻana a ma mua o ke ʻokiʻoki ʻana aku i ke kino. Moʻolelo Hawaiʻi o Kalapana
Laʻana palapala:
Kekahi mākeke ma Wuhan, i Kina… He mākeke kūʻai iʻa ia a me ka ʻiʻo holoholona hoʻi, a no laila, he wahi e lole ai i nā holoholona a kaha ai i nā iʻa. Kauakūkalahale, Kukh-2020-02-22
Pepehi lākou i ka mōhai mōliaola, a kāpīpī nā kāhuna i ke koko i loaʻa, mai ko lākou lima mai, a lole nā Levi i ka ʻili. ʻOihana Aliʻi I, 35:11
[kikino]He lole komo ʻia e nā kahu pule, nā papa hīmeni, nā haumāna ma ka ʻaha puka kula paha, a me ka lole komo ʻia ma hope o ka puka mai ka ʻauʻau kai paha no ka hoʻomehana kino.
Laʻana palapala:
E mālama iā ʻoukou iho i ka poʻe kākau ʻōlelo, ka poʻe i makemake e hele me ka lole hoʻoluʻeluʻe, a me ke aloha ʻia mai ma kahi kānaka… Luka [Luke], 20:46
E hoʻonoho ʻia nō nā lopi o ka loa e like me nā kahakaha loloa ʻōmaʻomaʻo, ʻulaʻula, ʻāhinahina, a ʻeleʻele paha a kākou e ʻike ai ma nā lole papamū… Ka Puke Moʻolelo o Hon. Iosepa K. Nāwahī, ʻao.68
I ka hōʻea ʻana mai nō o ka Hōkūloa, ua hoʻāla ʻia maila ʻo Kekūhaupiʻo e kāna kumu Koaiʻa, a ʻo kona hoʻomākaukau koke ihola nō ia iā ia iho, a e hume ana hoʻi i kona malo puakai. He Moʻolelo Kaʻao no Kekūhaupiʻo, 3:12
[kikino]He inoa no ka haole i ka wā o ka hiki mua ʻana mai, ma muli paha o ke ʻano o nā pāpale i loaʻa nā kihi ʻekolu e kau ai ka poʻe haole o ia manawa. He Moʻolelo Kaʻao no Kekūhaupiʻo