E manaʻo ʻia mai ana nō paha e nā haole he moʻolelo keaka wale kēia a ʻaʻole hoʻi he moʻolelo ʻoiaʻiʻo no kekahi aliʻi koa poʻokela loa o Hawaiʻi nei… He Moʻolelo Kaʻao no Kekūhaupiʻo, 9:34
"Mālia paha he ʻōlelo waha wale iho nō kā ke keiki i pālau mai nei, a ke puni wale aku nei nō kākou." Moʻolelo Hawaiʻi o Kalapana, ʻaoʻao 43
Eia kekahi, inā i manaʻo kekahi e ʻōlelo pū me kekahi ma nā mea ʻoiaʻiʻo, inā i like ʻole ke ʻano ma hope me ka ʻōlelo ʻana, he nui nō nā mea ma laila: he hoʻopunipuni ka mua, he wahaheʻe, he ʻalapahi, he pālau, he kūkahekahe, he palolo, he kokahe, he pahilau, a me nā mea like he nui nō. Ka Moʻolelo Hawaiʻi, 21:6
No ka panepane ʻana o ke aliʻi iā Halepāniho, no laila, ua nuha ihola ʻo ia a ʻaʻohe pane aku i ka hoʻonāulūlu mai a ke keiki. Moʻolelo Hawaiʻi o Kalapana, ʻaoʻao 72
A laila, manaʻo aʻela ʻo Lāʻieikawai ua make kāna kāne, a laila, i ia manawa, hoʻomaka akula ia i ka uē paʻiāuma no kāna kāne. Ke Kaʻao o Lāʻieikawai, 23:118
Ma ke kakahiaka o ka Poʻakolu iho nei, ua ʻuleu akula nā kāne, nā wāhine, a me nā keiki o Kamōʻiliʻili e walea ana i ka ʻaekai o Kapiʻolani Park no ka hāʻawi ʻana i wahi pāʻina ʻili anu. Ka Nupepa Kuokoa, 20 iulai 1878
...pane maila me ka pīkananā, “He aha mai nei lā kēia wahi keiki maʻi lewalewa o ka miki ʻana maila a paʻa ana i ka manu o ka waʻa; hele ma kahi ʻē! ʻAʻole ʻo ʻoe kā mākou e nānā aku ai, e kēia wahi pokeʻo iki a heha.” Huaʻōlelo Makalei