Wehi ʻŌlelo (kāmua)

[hamani] Ke kuemi ʻana i hope, ka pēki ʻana i hope e hoʻi ai. Ke Kaʻao o Lāʻieikawai

Document Examples:
- ʻAʻole naʻe ia he mea e hoʻēmi hope ai i kona mākaukau hakakā… 107 He Moʻolelo Kaʻao no Kekūhaupiʻo
Pilina:
- Huaʻōlelo pili: emi hope.

[hamani] Ke ʻano o ke kūkaʻi ʻōlelo ʻana ma ke aloha me ka ʻoluʻolu wale nō; ka hoʻoniponipo ʻana. He Moʻolelo Kaʻao no ʻAukelenuiaikū

Document Examples:
- A launa aʻela lākou nei ʻekolu, ʻelua wāhine, hoʻokahi kāne, ʻo ʻAukelenuiaʻīkū a pau kā lākou mau ʻōlelo hōʻināʻinau, hāʻule ihola lākou, kōnane. He Moʻolelo Kaʻao no ʻAukelenuiaikū, 6:57
- He ʻoiaʻiʻo ma nā kūkaʻi ʻōlelo ʻana a lāua, ua hoʻomaopopo koke ihola nō ʻo ia he wahine ʻōpio kēlā i hoʻonaʻauao kiʻekiʻe loa ʻia. Ma hope o nā hōʻināʻinau ʻana a me nā hulahula ʻana, ua lilo ihola ʻo Wilikoki i hoa pili paʻa no ua kaikamahine nei. Ka Buke Moʻolelo o Hon. Robert William Wilikoki, ʻaoʻao 20
- Ke manaʻo nei au ua hoʻopilikia ʻia kā ʻolua mau hōʻināʻinau ʻōlelo e kēia leo ʻolē pupuka o ke kani ʻana mai nei, e like me koʻu hoʻopilikia ʻia ʻana. He Moʻolelo no ʻIvanahō, ʻao.255

Lepe Kumuhana: haʻawina naʻau

[hamani] Ka hoʻokomo ʻana, ka hahao ʻana. Puke Wehewehe Hou

Document Examples:
- Hoʻō akula wau i kahi pūnua i loko o koʻu kueka, hoʻopili paʻa maila i ke alo pali, a hoʻomākaukau ihola no ke kūpale aku i ka lele hou ʻana mai a ka makuahine, a ke lele mai ka ʻio, ʻo ia nō ʻoe ʻo ka pōkā. Koʻu ʻAoʻao o ke Kuahiwi, ʻaoʻao 57-58
- Hoʻō ʻia ka pōhaku ʻenaʻena i ka ʻiʻo puaʻa a moa paha a hoʻokomo ʻia i loko o ka ipu i pani ʻia a paʻa. Ka Moʻolelo o Lonoikamakahiki

[hamani] He hāʻawi lima ʻana o ka ʻalihikūlele i ke kinipōpō pōpeku i kekahi hoa kime.

Lepe Kumuhana: haʻuki pōpeku

[hamani] He oli ʻana i ke mele kanikau a uē helu paha ma ka hoʻokomo ʻana i ka uē.

Lepe Kumuhana: mele/oli-KS

[hamani] Ka hoʻohuhū ʻana a i ʻole ka hōʻano ʻē ʻana i ka naʻau o ke kanaka. Lehua ʻĀhihi : Makakēhau…

Document Examples:
- Akā, ʻaʻole nō naʻe i liʻuliʻu ma hope iho, ua ulu hou aʻela he mau kumu hoʻoulukū i nā noʻonoʻo o nā mana hoʻokele i ke Aupuni Kūikawā no ka hoʻāʻo ʻia e hoʻihoʻi hou mai i ke kūlana a me ka mana Aupuni Mōʻī. Ka Puke Moʻolelo o Hon. Iosepa K. Nāwahī, ʻao.135
- He helehelena kaumaha nō i ka nānā aku, i hoʻoulukū ʻia mai paha e nā kanikau ʻana no ke Aliʻi ʻAtelane, ka haku o ka hale kākela Conigaboro. He Moʻolelo no ʻIvanahō, ʻao.499
- Pehea lā ka lōʻihi o nā hana hoʻoulukū a ko aloha i loko? (Pehea lā ka lōʻihi o nā hana hoʻohuhū a ko aloha i loko?) Lehua ʻĀhihi : Makakēhau…
Pilina:
- Huaʻōlelo pili: ulukū. Lehua ʻĀhihi : Makakēhau…

Lepe Kumuhana: haʻawina naʻau

[hamani] Ka hoʻohana ʻana i kekahi ʻano mea i hā wai i kahe i kekahi wahi ponoʻī. Huaʻōlelo Makalei

Document Examples:
- ʻO ka wai o loko o ke ana, he wai kulu i hoʻohā ʻia i ka lau maiʻa, nā haona, a me nā waʻa ʻōhiʻa a me ka wiliwili. Huaʻōlelo Makalei

Lepe Kumuhana: mahi ʻai

[hamani] Ka hoʻoliʻiliʻi ʻana i nā palena o kekahi mea. Moʻolelo Hawaiʻi o Kalapana

Document Examples:
- ʻO ka mea minamina, inā e hoʻohāiki ʻia iho ka loaʻa o ka pū a o ka pōkā paha, he akamai ke kanaka. E ʻimi ʻia aʻe nō i wahi e loaʻa ai ia mau mea ʻelua, a i wahi paha e hōʻeha ai i nā kānaka he nui me ka loaʻa ʻole o ia mau mea. Kauakūkalahale
- Ua ʻōlelo ʻia, aia i loko o ia mau lā, ua ʻano hoʻohāiki ʻia aku ka mana hoʻokohu o ke Aliʻi ʻAi Moku Mōʻī Wahine Liliʻuokalani ma muli o ka ʻonou ʻia aku i mua ona he mau inoa lehulehu me nā koi ikaika ʻia aku e kekahi mau pōʻai like ʻole e hoʻokohu aʻe i kā lākou mau papa kuhina i wae ai a i hoʻoholo ai. Ka Puke Moʻolelo o Hon. Iosepa K. Nāwahī, ʻao.110

[hamani] Ke kau ʻana i kekahi mea ma ke kūlana kiʻekiʻe loa. Ka Lei Kahelelani

Document Examples:
- ʻAʻohe o Pāpā hoihoi i kahi Weliweli ma ia hope iho. Aia wale nō ʻo ia a ʻike i ko Weliweli kūlana helu ʻekahi ma ka hoʻolako mai iā mākou i ka meaʻai, a laila i pau ai kona ʻano pāweo a makaʻewaʻewa paha iā ia, a hoʻomaka ai hoʻi kāna mau ʻōlelo mahalo a hoʻohanohano nō hoʻi i ke kālena o ua ʻo Weliweli. Koʻu ʻAoʻao o ke Kuahiwi, ʻaoʻao 176
- Ma muli o kona hoʻokiʻekiʻe a hoʻohanohano ʻia ʻana aʻe, ua hāʻawi mai ʻo Keawenuiaʻumi i mau ʻāina nona, no laila, ua hōʻai ʻāina akula ʻo ia i kekahi poʻe o Kauaʻi, a ua nui ka poʻe Kauaʻi i hoʻopaʻa mai iā lākou iho e noho kanaka aku no Pākaʻa, no ka mea, ua ʻike lākou i kona lokomaikaʻi a me kona aloha. Moʻolelo Hawaiʻi o Pakaʻa a me Ku-a-Pakaʻa, ʻao.27

Lepe Kumuhana: haʻawina naʻau

[hamani] Ka hana ʻana a hei kekahi mea; ke kiloi ʻana i ke kīpuka ma luna o kekahi holoholona i paʻa mai i ke kaula. He Moʻolelo Kaʻao no Kekūhaupiʻo

Document Examples:
- ʻOiai he pōʻeleʻele naʻe, ua pae malū nā koa ʻekolu i kahakai o ʻOpunohu, ma kekahi ʻaoʻao o ʻAimeho e kokoke ana iā Rōtui. Hoʻomākaukau pono ihola nā koa ʻekolu i ke kaula, a hoʻohei akula i ka mauna ʻo Rōtui. Moʻolelo Polenesia, ʻaoʻao 59
Pilina:
- Huaʻōlelo pili: hei.

Lepe Kumuhana: paniolo

[hamani] Ka hoʻomaopopo hewa ʻana i ka mea pololei. ʻO ka maʻamau ke aloha ʻole ʻana o ke kanaka i kekahi kanaka āna i kamaʻāina ai. He Moʻolelo no Kamapuaʻa

Document Examples:
- ...ua hōʻano ʻē loa ʻia aʻela ko pīkoiakaʻalalā ʻano, a hoʻohewahewa maila nō hoʻi kona makua kāne iā ia, ʻo ia ʻo ʻAlalā. Ka Nupepa Kuokoa, 30 Dekemapa 1865
- E hoʻomaopopo hou kākou i ka ʻōlelo ʻana ma kekahi mau hua ʻōlelo o ko kākou ʻāina nei, no ka mea, ua hemahema kā kākou ʻōlelo ʻana ma kekahi mau hua ʻōlelo kahiko a kākou, a ua hoʻohewahewa nō hoʻi kekahi poʻe. Ke Kumu Hawaii, 11 Nowemapa 1835
- I ko lākou hele ʻana i laila i ka pō, hoʻohewahewa lākou i ka puʻu, a pʻi ma luna i kekahi puʻu ʻokoʻa... Ka Hae Hawaii, 27 ʻApelila 1859
- E hele ana wau e ʻimi i oʻu mau mākua, e hoʻohewahewa mai paha auaneʻi lāua iaʻu. He Moʻolelo no Kamapuaʻa, ʻao.57
- Hoʻohewahewa ke aloha, aia i Puna i Nānāwale. ʻŌlelo Noʻeau, 1061

Lepe Kumuhana: launa kanaka

[hamani] Ka ʻōlelo ikaika ʻana e hoʻokō ʻia kekahi hana; ka hoʻopalau ʻana i ke keiki i ka noho kāne a wahine paha na kekahi. Puke Wehewehe Hou

[hamani] Ka hoʻopūʻiwa nui ʻana i ke kanaka a lelele kona kino. Ka Lele a ke Koaʻe

Document Examples:
- Aia i kēia manawa i hoʻohikilele mai ai ua kāne nei iaʻu, i kona huli ʻana mai a me nā waimaka e hiolo ana, pane maila me kona ʻano mau o ka piha aloha… Ka Moʻolelo ʻOiaʻiʻo o Kaluaikoʻolau, ʻao.14
- Na kēia lono i hoʻohikilele aʻe i ka manaʻo o kekahi poʻe o ke kūlanakauhale nei, ua hele koke mai lākou e nīnau iā mākou inā paha he ʻoiaʻiʻo nā ʻōlelo e hauwawā ana i ka wā a ka mokuahi i pili mai ai i ka uapo. Ka Puke Moʻolelo o Hon. Iosepa K. Nāwahī, ʻao.159
Pilina:
- Huaʻōlelo pili: hikilele. Ka Lele a ke Koaʻe

[hamani] Ka hoʻonaninani ʻana a nani loa; ka hana ʻana a hiluhilu; ka hana ʻana a uʻi o ke kaila hanohano helu ʻekahi. Puke Wehewehe Hou

Document Examples:
- Ua waiho ʻia ke kino i ka hale pule i loko o ka nani o nā hoʻohiluhilu ʻana a nā wāhine. Ka Puke Moʻolelo o Hon. Iosepa K. Nāwahī

[hamani] Ka hoʻāʻo ʻana i ke akamai a mākaukau ma kekahi ʻano hana; ka ʻaʻa i ka paio pū. He Moʻolelo Kaʻao no Kekūhaupiʻo

Document Examples:
- ʻAʻohe waʻa hoʻohoa o ka lā ʻino. ʻŌlelo Noʻeau, 216
- Na wai e hoʻohoa i ko Hawaiʻi nei i ka heʻe nalu?
- No laila, i ka lohe ʻana o Kinoulu i ka hoʻohoa a ke aliʻi, ʻae aku ʻo ia e hoʻokūkū me nā kānaka lawaiʻa o ke aliʻi. Kumu Kou, ʻao.6

Lepe Kumuhana: launa kanaka

[hamani] Ka paipai ʻana i kekahi mea e holo i kekahi wahi.

Document Examples:
- Hoʻohū ka ua i ka moana, pilipili ʻāina ʻole mai. ʻŌlelo Noʻeau, 1064
- I ka wā ma mua ma ka mokupuni, he loaʻa nā kamaliʻi nāna e hoʻohū aku i nā nēnē ʻaukai puni ʻopihi. A no ka mea, inā ʻaʻole e kiaʻi ʻia, hoʻokahi kakahiaka a lilo i ka manu. Ka ʻAilana o nā Naiʻa Polū, 20:148

[hamani] He hana hoʻonaʻaikola me ka lima e hoʻokano aku ai iā haʻi, e like me ke komo ʻana o ka manamana nui i waena o ka manamana kuhi me ka manamana kau. He Moʻolelo Kaʻao no Puna

Document Examples:
- “Eia ua mau loina nei,” wahi a Punia me ke ʻano hoʻokohukohu. “I ka wā e hana ai ka ʻupena a kākou, ʻaʻole e pono kahi mea e walaʻau, ʻaʻole nō hoʻi e kū a kiʻi mai. ʻAʻole nō hoʻi e peʻa ka lima i ke kua. ʻAʻole nō hoʻi e hoʻohuahua ka lima. He Moʻolelo Kaʻao no Punia, mok. IX, ʻaoʻao 38:11

Lepe Kumuhana: launa kanaka lawena kino

[hamani] Ka hana ʻana a lilo i mea hoʻokahi ma kahi hoʻokahi. Kumu ʻUlu

Document Examples:
- Ua nui koʻu manawa kaʻawale e hoʻāʻo ai i ke kuke ʻana ma ke ʻano hoʻohuihui i kekahi mau ʻano lau nahele me kekahi mau ʻano ʻiʻo, a ma ia ʻano nō hoʻi wau i haku ai i kekahi mau mea ʻai mōkaekae maoli nō. Koʻu ʻAoʻao o ke Kuahiwi, ʻaoʻao 155

[hamani] Ka hoʻolilo ʻana i kekahi mea he kauā; ka hoʻomeamea ʻana he kauā. He Moʻolelo Kaʻao no Kekūhaupiʻo

Document Examples:
- …i ia wā, ʻo ka holo koke akula nō ia o ka lohe ma ʻō a ma ʻaneʻi, a ua hiki pū akula ia lohe i mua o Paiʻea a me ka poʻe a pau o Kauaʻi i holo pū mai ai, ka poʻe hoʻi nāna i hana ʻino a i hoʻounauna ʻino, a pākīkē a hoʻohenehene a hoʻokauā ʻino iā Pākaʻa. Moʻolelo Hawaiʻi o Pakaʻa a me Ku-a-Pakaʻa, ʻao.26
- Ua kūpono no nā holoholona e like me ʻoe ke lapaʻau ʻia me nā lāʻau hoʻōla o ka lua ahi, a e hoʻokauā ʻia na nā keiki o ka hewa. He Moʻolelo no ʻIvanahō, ʻao.424
- Ua like ia me ʻeiwa kau ona i hoʻokauā ʻia ai e ka hilinaʻi o kona mau hoa makaʻāinana i waha ʻōlelo no lākou, a ʻelua kau ma ke ʻano he mana koho Mōʻī ma ka ʻaoʻao o ka lāhui, ʻo ia hoʻi, ke Kau ʻAhaʻōlelo Kūikawā o ka makahiki 1873. Ka Puke Moʻolelo o Hon. Iosepa K. Nāwahī, ʻao.86
Pilina:
- Huaʻōlelo pili: kauā. He Moʻolelo Kaʻao no Kekūhaupiʻo

Lepe Kumuhana: launa kanaka

[hamani] Ka moe pū ʻana o kekahi kanaka me kekahi ma ka hoʻoipoipo ʻana. Lehua ʻĀhihi : Makakēhau…

Document Examples:
- I ke oki ʻana aʻe o ia mau hoʻokaunu ʻana o lāua. Lehua ʻĀhihi : Makakēhau…, ʻaoʻao 103
Pilina:
- Huaʻōlelo pili: kaunu. Lehua ʻĀhihi : Makakēhau…

Lepe Kumuhana: aloha launa kanaka

No «hamani»

Nā Mea ʻĒ Aʻe