Wehi ʻŌlelo (kāmua)

No «haʻuki»

eo

[ʻaʻano] He lanakila ʻole o kekahi ʻaoʻao i ka hana puka lanakila a kekahi ʻaoʻao.

• Laʻana palapala:
  • Ma ka hoʻokūkū pāʻani pōpaʻipaʻi, ua eo ke kime Warriors o Kamehameha i ke kime Cowboys o Kohala. LLK
  • “Ua eo iā Hiwa ke kūlana ʻekahi!” wahi āna i hoʻōho mai ai ma ke kelepona. Moku ka Pawa
  • E makemake ana ia keiki e eo iā ia kekahi makana ma ke kāniwala, eia naʻe ua hoka ia makemake.
  • Hāʻule pahū ihola kona manaʻolana i ke eo ʻana o ke kaʻa iā ia, i ke kāhea ʻia o ka inoa o ke kanaka ʻē.
  • Ua eo iaʻu kekahi pea pāʻani ma ke kāniwala.

Lepe Kumuhana: haʻuki

hānai

[hamani] He kīloi ʻana o ke kūlele i ke kinipōpō i kona hoa kime a komo ia kinipōpō āna i kī ai ma ka hīnaʻi.

Lepe Kumuhana: haʻuki pōhīnaʻi pōpaʻipaʻi pōwāwae

Laʻana Pāpaho:

hoʻoili

[hamani] He hāʻawi lima ʻana o ka ʻalihikūlele i ke kinipōpō pōpeku i kekahi hoa kime.

Lepe Kumuhana: haʻuki pōpeku

Laʻana Pāpaho:

kaha nalu

[hehele] He heʻe ʻana i ka nalu ma ke kino wale nō a i ʻole ma ka papa kaha nalu.

• Laʻana palapala:
  • A ʻike akula ʻo Hauaʻiliki i ko Lāʻieikawai ʻakaʻaka ʻana iho, manaʻo ihola ʻo ia ua komo ka makemake iā Lāʻieikawai ma kēia hana a Hauaʻiliki, a laila, hoʻomau akula ʻo ia ma ke kaha nalu. Ke Kaʻao o Lāʻieikawai, 14:71
  • A i kekahi wā, hele lākou ma kahakai o Laupāhoehoe e kaha nalu. He akamai ʻo ʻUmi i ke kaha nalu, a heihei ʻo ʻUmi me Paiʻea. Ka Moʻolelo Hawaiʻi, 67:72
  • Ke kai kaha nalu o Makaiwa. ʻŌlelo Noʻeau, 1724

Lepe Kumuhana: haʻuki

Laʻana Pāpaho:

kahului

[kikino] He hoʻokūkū haʻuki kūikawā e komo ai nā ʻālapa a kime paha ma nā pāʻani a puka ka moho poʻokela.

Lepe Kumuhana: haʻuki pōhīnaʻi

kī

[hamani] He hoʻāʻo a ka ʻālapa e komo ai ke kinipōpō i ka hīnaʻi ma ka nou (pōhīnaʻi) a peku (pōwāwae) ʻana i ke kinipōpō.

Lepe Kumuhana: haʻuki pōhīnaʻi

Laʻana Pāpaho:

kinipōpō pōhīnaʻi

[kikino] He mea poepoe piha ea e hoʻohana ʻia ma ka pōhīnaʻi.

Lepe Kumuhana: haʻuki pōhīnaʻi

Laʻana Pāpaho:

kinipōpō pōpeku

[kikino] He mea poepoe ʻololaha piha ea e hoʻohana ʻia ma ka pōpeku.

Lepe Kumuhana: haʻuki pōpeku

Laʻana Pāpaho:

kuhō

[hamani] He kī i ke kinipōpō pōhīnaʻi a komo i ka hīnaʻi me ka pā ʻole i ka hao a papa hīnaʻi.

Lepe Kumuhana: haʻuki pōhīnaʻi

Laʻana Pāpaho:

kulaʻi

[hamani] Ma ka pōpeku, he hopu i ke kūlele iā ia ke kinipōpō i mea e hina ai i lalo a i ʻole paha, e kū ai kona holo ʻana.

Lepe Kumuhana: haʻuki pōpeku

Laʻana Pāpaho:

kūlele

[kikino] He kanaka a kime paha ma ka haʻuki, iā lākou ke kinipōpō a hiki ke hoʻāʻo i ka hana e loaʻa ai ka ʻai.

• Laʻana palapala:
  • ʻOiai aia ke kinipōpō iā Koa, he kūlele ʻo ia me kona kime, a he kūpale kekahi kime aku.

Lepe Kumuhana: haʻuki pōhīnaʻi

Laʻana Pāpaho:

pakā

[hamani] He kī ʻana ma ka pōhīnaʻi ma ka lele ʻana o ke kanaka me ke kinipōpō a i luna aku kona lima i ka hao ma ka hahau iho i ke kinipōpō ma loko o ka hīnaʻi.

Lepe Kumuhana: haʻuki pōhīnaʻi

Laʻana Pāpaho:

pākī

Ma ka pōpaʻipaʻi. [hamani] He hahau ikaika ʻana iho i ka pōpaʻipaʻi, pōpeku, pōhili, a i kekahi ʻano kinipōpō haʻuki e mea e lele wikiwiki ai.

• Laʻana palapala:
  • Ua hānai ʻo Kawaiola i ke kinipōpō pōpaʻipaʻi, a ʻo ka pākī akula nō ia o Joe.

Lepe Kumuhana: haʻuki pōpaʻipaʻi

Laʻana Pāpaho:

paku

[hamani] He paʻi ʻana o ke kūpale i ke kinipōpō pōhīnaʻi i kī ʻia e ke kūlele e komo ʻole ai ke kinipōpō i loko o ka hīnaʻi.

Lepe Kumuhana: haʻuki pōhīnaʻi pōpaʻipaʻi pōwāwae

Laʻana Pāpaho:

pāloiloi

[hamani] He paʻipaʻi pīnaʻi ʻana i ke kinipōpō pōhīnaʻi a lele ma waena o ka lima me ka papahele.

Lepe Kumuhana: haʻuki pōhīnaʻi

Laʻana Pāpaho:

ʻai holo

[kikino] He ʻai pōpeku, he ʻeono hoʻi ka nui, no ka hōʻea ʻana o ke kinipōpō pōpeku i ka pahu ʻai holo o kekahi kime aku ma ka hāpai ʻia ma ka lima a i ʻole, ma ka ʻapo ʻia ma ia wahi.

Lepe Kumuhana: haʻuki pōpeku

Laʻana Pāpaho:

ʻaihue

[hamani] He hana e lilo ai ke kinipōpō a ke kūlele i ke kūpale ma ka pōhīnaʻi.

• Laʻana palapala:
  • Ma ka lālau ʻana o ko Keoni lima i ke kinipōpō a Kimo e pāloiloi ana, ua pau i ka ʻaihue ʻia.

Lepe Kumuhana: haʻuki pōhīnaʻi

Laʻana Pāpaho:

ʻapo

[hamani] He lālau me ka hopu ʻana i kekahi mea e lele a holo ana paha i ka lima.

• Laʻana palapala:
  • ʻApo ʻia e ia ke kinipōpō e ʻoloʻio mai ana ma ka ʻaoʻao o kona pepeiao.
• Pilina:
  • E nānā pū iā ʻāpona.

Lepe Kumuhana: haʻuki pōhili pōpeku

Laʻana Pāpaho:

ʻapo lilo

[hamani] He lālau me ka hopu ʻana o ke kūpale i ke kinipōpō pōpeku i kiola ʻia.

Lepe Kumuhana: haʻuki pōpeku

Laʻana Pāpaho: